Thyroid Ka Asan Gharelu Ilaj

تھائی رائیڈ کی وجہ سے موٹاپا ہے تو.. ڈاکٹر ام راحیل کے بتائے 5 آسان ٹوٹکے جو تھائی رائیڈ کی بیماری میں مفید ہیں
تھائی رائیڈ کا مرض آجکل بہت زیادہ عام ہوگیا ہے۔ یہ مرض خاص طور پر خواتین کو زیادہ لاحق ہوتا ہے جس کی وجہ سے ان کی ازدواجی زنگی بھی مشکل میں پڑجاتی ہے۔ نہ وہ وزن کم کر پاتی ہیں نہ ہی آسانی سے ماں بننے کے عمل سے گزرتی ہیں۔ آج ہم آپ کو کچھ ایسے ٹوٹے بتانےجارہے ہیں جو آپ اگر علاج کے ساتھ جاری رکھیں تو بہت جلد تھائی رائیڈ سے ہونے والے مسائل پر قابو پاسکتی ہیں۔

ادرک کا قہوہ
مشہور ہربلسٹ ڈاکٹر ام راحیل کا کہنا ہے کہ دن میں ٢ بار ادرک کا قہو بنا کر پینے سے تھائی رائیڈ کے امراض کے علاوہ گلے کے دیگر امراض سے بھی چھٹکارا مل سکتا ہے۔ چاہیں تو قہوے میں شہد اور لیموں کا رس ملا کر پی سکتے ہیں۔ اس کے علاوہ عام چائے میں بھی ادرک کا ٹکڑا لازمی ڈالیں۔

موتیا کا پھول
گرمی کے موسم میں موتیا گھر میں ضرور لا کر رکھیں۔ اس کے پھولوں کی خوشبو میں طبی خصوصیات ہوتی ہیں جن سے تھائی رائیڈ کی علامات کم کرنے میں مدد ملتی ہے۔ موتیا ایک انڈور پلانٹ کے طور پر کمروں کے اندر بھی رکھا جاسکتا ہے۔

سونے سے پہلے
ایک گلاس نیم گرم دودھ میں ورجن ناریل کا تیل ایک چمچ ملائیں اور سونے سے پہلے اس کو پینا معمول بنا لیں۔ اس سے تھائی رائیڈ معمول پر آنا شروع ہوجائے گا۔

سوہانجنا کے پھول
سوہانجنا کے پھولوں کا قہوہ بنا کر صبح یا شام دن میں ایک بار پئیں۔ اس کو بنانے کا طریقہ یہ ہے کہ ایک کپ سوہانجنا کے پھولوں میں آدھی جائفل توڑ کر ڈال دیں اور تھوڑا لیموں کا رس بھی ڈال دیں۔ اس قہوے سے خواتین کے مخصوص امراض میں کمی آئے گی۔

اخروٹ
اخروٹ بہت سے طبی امراض میں مفید ہے۔ دن بھر میں 5 اخروٹوں کی گریاں اچھی طرح چبا کر کھانا مفید ہے۔